Sunday, June 13, 2010

阜杭豆漿 @ Taiwan

『参阅台湾行程』

好多台湾老早餐店都卖紧类似嘅嘢,呢间52年历史嘅阜杭豆漿都唔例外。坐落喺善导寺站正对面嘅华山市场,听讲五点几就已经排嗮长龙。传统嘅吃法係厚烧饼夹蛋配一碗咸豆浆,但係我地就点咗普通豆浆配薄烧饼油条夹蛋(20NT+38NT+10NT),都好好味。


老板坚持老面发酵炭火烧饼,一切人手制造。唔知仲会盛传几代,趁有得食就继续支持落去喇。应该係我最钟意嘅台北早餐店,有机会我会再去、又再去、又再去···

Sunday, June 06, 2010

Fish sauce fried rice @ Home

Lazy to go out for dinner, so simply mix and match whatever can be found in the fridge. Secret ingredient for fried rice is fish sauce, even without meat or sausage it will still taste good. Side made from fresh tomatoes, cabbage and cucumber.


Not sure what is fish sauce? Maybe this can help.

Braised Fish-sound(maw) with Chinese cabbage 鱼鳔卤白菜 @ Home

骆进汉师傅嘅“爆皮(猪皮)卤白菜”俾我变成“鱼鳔卤白菜”··· 哈哈,配冬粉吃应该好唔错哦。

Saturday, May 22, 2010

Braised Pork Rice 卤肉饭 @ Home

What I miss the most after back from Taiwan is definitely Braised Pork Rice (卤肉饭), too bad I still can't find any nice one locally, so how?

Let's head to kitchen and cook it myself! Luckily it is not too difficult at all; pork belly, dark+light soy sauce, onion, garlic, sugar, wine and spices. Cooking time 1 hour and I quickly marinate some cucumber as side. Everything tastes good except I have to live with bad texture local rice.

[Updated] Same stuff for dinner, reheat, with bihun ;-).

Saturday, May 15, 2010

台湾 - 行程表

『Updated 01 June, 2010』

好多朋友今年都会到台湾一趟,所以一路催我Post个行程表先,唔好再咁多废话:-)。Okay咯,有啲赶,所以可能会miss咗一啲细节,慢慢会补贴嘎啦。

我唔会list每日行程,instead我会将佢地分类,咁你就会容易啲mix and match。

早晨到傍晚 - 台北

阜杭豆漿 - 捷运板南线,善导寺站,华山市场二楼。台北老早餐店,平日六七点应该係peak hour,所以我八九点先至到。咸豆浆,薄饼加蛋加油条··· 我已经爱上咗喇,下次必到!

金峰卤肉饭 - 台北闻名嘅卤肉饭,交通方便(捷运中正纪念堂4号出口),嚟到台北唔试一试,点讲得过去啊!

艋舺龙山寺 - 捷运板南线,龙山寺站。对寺庙有兴趣嘅朋友,可以考虑到龙山寺一游,晨早掺一大堆日本游客一齐膜拜。坐埋边静静咁观赏270年历史嘅龙山寺,都几啱feel下。

捷运市政府站(台北101,新光三越,New York New York)- 严格嚟讲,101可以唔去,但係游客通常都会一游嘅地方,叫你唔去又好似有啲讲唔过去。里边嘅店无乜可以买,除非你係要到顶楼睇风景(我宁愿上山)。其他左近嘅Shopping mall都係一样,除咗New York New York有啲平嘢,你捻你喇。

平溪线(十分-平溪-菁桐)- 搭台铁到瑞芳站,转搭平溪线(可以买全日票)。由于时间嘅问题,我地净係去咗“平溪”同埋“菁桐”。未搭过旧式火车嘅,都有啲新意嘅。之不过每一站本身冇乜睇,最衰火车要成个几钟一班,玩两个站分分钟用3-4个钟。下次去可能会净係到“十分”睇瀑布。

九份 - 由瑞芳(参考上边平溪线)搭公车15分钟就到喇。风景确实係靓嘅,但係都仲係有啲闷嘅地方。老街食物一般,仲repeat,个人feel到好“游客”嘅地方,失去老街应有嘅味道。

五分埔 - 捷运板南线,后山碑站。唔使捻喇,女仔要买衫、裤、裙、包等等,嚟呢度就啱嗮啦。多选择又平,估计你一日买唔嗮,要嚟两日哦 ;-)

淡水老街 - 捷运淡水线,淡水站。成日啲人送你铁蛋就係呢度买嘎啦。除咗铁蛋,“阿给”都係另一特别嘅小食(豆腐包冬粉)。老街方面都还好,景点就嘛嘛喇。如果时间怆促又到渔人码头、情人桥可能会觉得有啲无聊。呢度係要悠闲咁游··· which唔啱我 :-)。

国立故宫博物馆 - 捷运淡水线士林站转红30接驳车。唔知点解唔係我嘅trip里边,个人觉得应该去嘅地方。

新背投 - 捷运淡水线,新背投站。想要试试温泉嘅朋友,可以到呢度。大众池或者双人池都有,温泉馆option你自己上网check下啦。“地狱谷”係呢度温泉嘅泉头,由新背投站要行一段路先至到。对我嚟讲绝对係大开眼界,四处硫磺味,烟雾弥漫。唔知有冇人投泉自尽过呢?

猫空 - 高空缆车我係第一次搭,有啲怯添。山顶冇乜嘢睇,但係胜在够凉爽。听讲有好多茗茶嘅好地方,但係我地净係上山慢行。悠悠闲闲··· 都几写意噶。

夜晚 - 台北

西门町 - 捷运板南线,西门站。时下年轻人嘅一大蒲点,係就係有好多店卖嘢(衫裤鞋袜),但係逛得多台湾就会发觉几乎都係千篇一律,我就冇买到啲乜啦。值得一逛嘅。食嘢方面“阿宗面线”几唔错。忘记一提,呢度仲有戏院,卡拉OK,想消磨时间嘅话一啲都唔难。

华西街观光夜市 - 冇乜搞作嘅夜市,从前呢一区叫做“艋舺”。似曾相识哩···咪就係电影【艋舺】拍摄嘅地方咯。比较特别啲嘅食物可能係蛇羹,但係我剩係吃咗个卤肉饭、排骨酥汤同埋个蚝煎。蚝煎就嘛嘛地喇。可以唔去。

師大夜市 - 捷运新店线,台电大楼站。一个我去咗两次嘅夜市,个人觉得几不错,唔会太大,都有几多嘢食又冇乜repeat,仲有好多街边shopping档仔,啱嗮女仔喇。食咗“大台北评价卤味”、“许记生煎包”、“牛魔王”、“蓝家割包”、“烤嗜院”同埋on the way返台电大楼站会经过嘅“永丰盛”手工包子,全部都okay噶。

士林夜市 - 捷运淡水线,剑潭站。又一个纯碎俾游客玩嘅地方,同样地我都唔钟意。闻名嘅“豪大鸡排”净係呢度有人排队,其他夜市都唔多觉眼。我应该唔会再去嘅一个夜市。

台北车站 - 好大嘅车站,有杂志书店、有档仔卖小食、有啲衫店,但係都普普通通。唯一比较特出嘅就係二楼嘅“微风广场”food court,好多嘢食。人气店应该就係“花月嵐拉面”,有到不妨试试佢地嘅拳骨拉面。

诚品书店 - 待···

捷运忠孝复兴站 (Sogo复兴馆,微风广场)- 待···

Thursday, April 29, 2010

台湾 - 序(2)

坐高铁···

高铁係穿梭台湾城市最方便嘅交通工具,唯一嘅小缺点,就係票价有啲高。建议你到台北嘅时候(例如台北车站)到高铁counter问一问,佢地某啲时段票价係有discount噶。好似我呢张由高雄(左营)到台北嘅高铁票,85折完之后仲要1265NT。详细票价可以到台湾高铁网站查下。

一架高铁有好多个车厢。好似我张票,5号车厢,够钟落到啱嘅月台入啱嘅车厢就得喇。车厢里边好宽倘,有厕所,最重要嘅就係唔好睏觉,好好地欣赏下窗外边嘅稻田,成个farmville咁。

由一个车厢到另外一个车厢又或者到厕所道门都唔会自动打开,搵下左右呢个掣撳下,道门就会开嘎啦。

Wednesday, April 28, 2010

台湾 - 序(1)

正喺台湾返嚟,之前筹备以为一下就搞掂,点知道搞下搞下到临去嘅前一晚都仲喺度忙紧,trip个阵仲漏洞百出。所以希望可以整理一下Post出嚟等大家下次可以参考。

飞之前···
  • Make sure你有个valid嘅passport,马来西亚到台湾係唔需要visa噶,喺飞机度空姐会俾你一张入境卡,visa个位你可以唔填。
  • 你个schedule最好plan得有咁仔细得咁仔细,如果唔係,活动A同埋活动B之间嘅时间你唔会知要点嘥正好。举个例“早餐阜杭跟住Sogo shopping”,大佬,阜杭晨咁早你就要去排队而Sogo要十/十一点正开门,吃完早餐你要搞乜啊···
  • 如果有ipod,iphone,mp3 player记住要带,忘记咗就好似我咁喺飞机度无所事事。路程大概4-5个钟。
  • 可以嘅话,带得越少嘢过去就越好。我地两个人去个阵一件行李箱check in,两件返嚟。
  • 带把缩骨遮,会落雨噶。
  • 如果plan先到台北,切记切记网上或email先订房。台湾人本身星期五晚就会涌入台北,抢手嘅酒店通常都会fully book。
  • Book房个阵,如果可以揀啲有自助洗衫嘅(通常係投币式或免费),unless你剩係会喺台湾三四日,唔係噶话你绝对需要洗衫(有干衣机,唔使怕衫唔干)。
  • Check清楚酒店位置,最好近住捷运(台北/高雄噶话)。唔好100%信嗮酒店website讲嘅距离,佢话嘅五分钟距离可能係用嚟跑嘅。
  • Triple check你嘅schedule,想象下当日嘅情形。如果早晨行山,下午shopping,夜晚夜市噶话,你脚骨力一定好劲。信我,你顶唔到几多日,重整你嘅schedule喇。
  • 唔需要plan to扫嗮台湾全部夜市,因为都唔会太大分别,重点出击就够喇。
  • 带几多钱去?好个人嘅问题,大概建议下仲得嘅。宿:旅店酒店大概2000NT一晚(双人)。食:400-500NT(个人)一日。台北捷运:average 100NT一日(个人,计埋缆车游艇if any)。的士:85NT起跳,一程大概150NT-230NT。高铁:高雄到台北~1265NT,台中到高雄~670NT,台北到台中~595NT。一般车票:桃园机场到台北125NT,台铁台北到瑞芳60NT,高雄捷运二日卡200NT。买:五分埔衫(女)150NT-300NT左右。可以嘅话,带多啲无妨,可以吃好啲或者买多啲拌手礼。
搞掂嗮,就可以上机啦!